曾經有朋友問我, 你寫mail ho 我e時為什麼定定beh穿插英文?（他的意思是講我的英文ma無gua好， 又擱mbhat出國留學過）我e 回答是 a ne key-in ka 緊 la. 做一e 一般e台文閱聼者，有時想beh用台文表達， 卻找不好用好ho人瞭解e書寫ka key in e 系統，有時真感覺無奈。 Chit 遍, ti tsia 看著"一人一路＂chit篇文章,一方面真欽佩, 一方面想著每遍看台文e時,定定e有一gua想法產生，chit bai , 想 beh ka chit gua 想法整理一e。
第一條， 尚頭先, 我認為beh ho 大家有興趣使用台文，應該儘量應用己經學習過e漢字ka英文字母,儘量mai 增加罕用漢字。 第二，發音詞或語尾詞儘量以英文字母拼成，以求簡便，例如 : 啊，阿，仔,不如寫"a" 著好a. 第三，如果一字漢字 ti 台文中a 不同所在有無共款e發音e時, 這字應用兩e拼音e字來表達. 例如：＂這＂表示＂在這裡＂時發音為ti chiah, 而表示＂這個＂時發音為＂chit ehi" ,那麼就放棄用"這＂chit 字。
以下我就試看mai , 用一蕊花e大作做例，ka 我e想法加入去chit篇文字，ho 大家來參考，是m是a ne 對台文 e 使用 e go ka 方便 le。 改寫 e 文中, 綠色 e字表示罕用字，需要斟酌。紅色 e 表示採用拼音比漢字 ka 方便. 藍色的表示所用漢字字畫多，又是常用字，無定 e sai 用其他 ka 適當 e 漢字來代替。 m知有若濟遍，我定定想欲讀台文，台文詩，a是寫台文。這一次，看著一蕊花講，「恁袓媽 ti chia!」ho 我想kong, 我ma來dau 鬧熱一下。希望恁m通嫌我不文ko欠學 chia 好。
對一蕊花的 “一人一路” 一文,台文表示方法的建議ko有一e台志愛ka你講, na m是我有iPad 通好一指神功 key in, 我ma無耐心來寫chit gua 字 . 自 chit ma 起,我想我e使用台文來書寫我 e 生話 lo。
去提款機洗寄金簿，機器ka簿仔吞--落，含(kâm) ti 嘴內吱吱吱吱 kuan kuan a哺，哺ka有聲有款有 tsiâu 著，到氣a，才一下吐出來還我。
油墨略仔殕殕的數目字，加湠幾仔頁去，看著煞若生菇。講是「洗簿a」，實情是愈洗愈烏。平常時仔罕得提簿仔來洗，橫直就是彼幾千箍a、幾千箍a le 加（稿費），一千、兩千le減（日用），有時幾百箍a le轉出（網購），錢水出出入入攏用滴的，大滴細滴的精差爾爾，寄金簿免啥洗，完全「點滴在心頭」。難得這回，台灣文學獎的獎金入數，有......真想欲講「一『港』錢水」流入來，毋ko毋著，「港」是有源頭、會一直貢貢流的；ko想講，敢會當講是「一『桶』錢水」？但是人華語le講「第一桶金」，一桶是一百萬呢，咱連人半桶ko半桶都綴袂著，差遠咧。
一港？一桶？一khat？一觳(khok)？......公報社的編輯來批恭喜我得獎，而且，希望我會當共創作的心情佮讀者分享──我想我是共「『創作』的心情」佮「『得獎』的心情」捎顛倒反去矣，一直牢佇彼兩觳錢水的歡喜佮感慨裡。
從1990年接觸著台文，那料想會到，二十年後，主要是靠台語咧食飯（食會飽袂飽是另外一回事）。人生，想袂到的代誌真濟，m ko，若講著「生涯規劃」的時，總是攏按想會到的光景去設想。想會到的光景：出社會、食固定的頭路、趁錢儉錢、結婚、建立家庭、生囝晟囝、囝離跤手、老......少年時代的我，並無按呢的眼光，目睭無才調看出一幅未來的藍圖，但是注目佇家己的肚臍，算講了解家己有啥物款能力，就「忠於自己」，按上帝賜予我的才情，爛田準路行落去──如此而已。
這中間，並無啥物「有夢上媠」的「夢」，嘛毋是啥物追求成就的奮鬥路途，只不過是「盡己」。我對台語的語感beh bái，我就盡量去發揮；我的語感受華語影響嚴重，就較謙虛兮去學習按怎分拆，鋩鋩角角慢慢仔掠，總是會進步，著無？！
我嘛ka你仝款，看無頭前的路，但是跤前有一葩燈，沓沓仔摸，感謝主，應該死袂去；我嘛ka你仝款，知影寫這台文足歹看，人看無，但是，欲等ka人tsiau看有才寫，是永遠等無彼工。寫，發聲，是宣告「恁祖媽ti chia！」，背骨的囝孫毋通shiun假痟。（是講，若正經痟，就無藥醫了）
確立這个基本態度，堅心 ti 一坵園蹽落去了後，chun 的，就是技術磨練的問題矣。各行各業行到透，應該攏仝這逝理路。不而過，面對一坵爛田，這身欲「蹽」會落去「蹽」袂落去？逐个心內攏一直le算......千算萬算，毋值天一劃。
對家己上根本的文化，嘛是用「算」的心態le秤斤兩捏輕重，這應當才是生理人底的閩南人的本性，就算轉骨變成咱家己認定的「台灣人」，文化基因假若嘛猶活佇骨髓裡。
生理人底罔生理人底，卻是生理囝歹生。我嘛毋是生理囝，算盤頇顢tia̍k，才會錢水滴滴流，無一gong的，嘛無一桶的。
在這款情況之下，我求個人的生存都袂赴飼a，致使實在無法度回答你有時擲過來的大問題，譬如母語的前途等等有的無的；我確定我無義務符合任何人的期待，欲寫、欲毋寫，只要對家己負責，不過到目前為止，猶算是一e失責的人。
一人一路，我ti我的爛田路，向你ehk手哦。
